1.8 miliardë doza vaksinash, BE nënshkruan kontratën me “Pfizer-BioNTech”

Bashkimi Evropian ra dakord të shtunën për një zgjatje të kontratës me kompaninë “Pfizer-BioNTech” për 1.8 miliardë doza vaksinash anti-COVID deri në vitin 2023.

Presidentja e Komisionit Evropian, Ursula von der Leyen popstoi në Twitter lajmin, duke saktësuar se në kontratën e nënshkruar 900 milionë doza janë të garantuara, ndërsa 900 milionë të tjera do të jenë opsionale.

Kontrata e re, që ka mbështetjen e shteteve anëtare të BE-së, do të sjellë jo vetëm prodhimin e vaksinave, por dhe do të sigurojë që përbërësit kryesorë të saj të vijnë nga vetë vendet e bllokut.

Njoftimi i së shtunës tregon besimin që Unioni ka në teknologjinë e përdorur nga kompania “Pfizer-BioNTech”, që është ndryshe nga ajo e “AstraZeneca”.