Mjekja shqiptare në Gjermani thotë: Karantinë e detyrueshme për qytetarët e Kosovës dhe RMV-së

Mjekja Aurora Meta-Dollenberg tha për Euronews Albania se Shqipëria ka dalë nga lista e vendeve të rrezikuara me COVID-19, kështu që për qytetarët që do të vizitojnë Gjermaninë nuk do të vendoset karantinë.

“Karantina për të gjithë ata të cilët e kanë kaluar COVID ose që kanë bërë vaksinën, është hequr në mënyrë definitive. Ne jemi në kushtet që po e lehtësojmë karantinën dhe këtu përkon ajo fjala e ditës ‘pasaporta e vaksinës’. Ata që nuk e kanë duhet të përdorin testin e PCR-së për vërtetim,” – u shpreh mjekja.

Meta-Dollenberg sqaroi se ende nuk është marrë një vendim nga EMA sa i takon vaksinës kineze dhe asaj ruse, por shtoi gjithashtu se tendenca e Bashkimit Europian është që t’iK certifikojë dhe këto dy vaksina.

Për qytetarët e Kosovës dhe Maqedonisë së Veriut ku incidenca e infektimeve është ende e lartë, vlen karantina dy-javore pas hyrjes në Gjermani.

Mjekja u shpreh se karantina për këta qytetarë është detyrim edhe pse janë negativ dhe pas 14 ditësh përsërisin testin e PCR-së në Qendrën e Shëndetit Publik para se të vijojnë vizitën e tyre në shtetin Gjerman.

LEXONI GJITHASHTU: 

• “Gjermania thyen valën e tretë të pandemisë”, deklaron ministri i Shëndetësisë
• Gjermania heq Shqipërinë nga “lista e kuqe” e vendeve me COVID-19
• Gjermania heq Shqipërinë nga zona e rrezikut, por kufiri mbetet i mbyllur