Kina shikon përmbytjen më të madhe në 50 vitet e fundit

29 Korrik 2025 | 17:06

Të paktën 30 persona kanë humbur jetën në Pekin dhe më shumë se 80,000 janë evakuuar për në zona të sigurta, njoftuan autoritetet kineze, ndërsa reshjet e dendura dhe përmbytjet kanë shkatërruar rrugë dhe banesa në Kinën veriore.Kina po përballet me një verë të motit ekstrem.

Valë të nxehti rekord goditën rajonin lindor të vendit më herët këtë muaj, ndërsa përmbytjet përfshinë pjesën jugperëndimore të saj. Presidenti Xi Jinping ka bërë thirrje për përpjekje të gjithanshme shpëtimi dhe u ka kërkuar autoriteteve të përgatiten për “skenarët më të këqij dhe ekstremë”.

Autoritetet kineze kanë ndarë 200 milionë juanë (rreth 28 milionë dollar) për përpjekjet e rimëkëmbjes, përfshirë riparimin e transportit dhe infrastrukturës së dëmtuar.

Zonat periferike të Pekinit, përfshirë rrethet periferike të Miyun dhe Huairou, janë goditur më rëndë nga shirat e rrëmbyeshëm.Përmbytjet kanë dëmtuar dhjetëra rrugë dhe kanë shkaktuar ndërprerje të energjisë elektrike në më shumë se 130 fshatra.

Pekini nuk është i panjohur me përmbytjet, veçanërisht në këtë periudhë të vitit. Një nga më vdekjeprurëset në kujtesën e afërt ndodhi në korrik 2012, kur 190 mm shi ranë në një ditë të vetme, duke vrarë 79 persona.

Këtë verë, përmbytjet kanë shkaktuar kaos në shumë pjesë të Kinës. Moti ekstrem, që sipas ekspertëve lidhet me ndryshimet klimatike, po kërcënon gjithnjë e më shumë banorët dhe ekonominë e Kinës veçanërisht sektorin e saj bujqësor me vlerë triliona dollarë.

Fatkeqësitë natyrore në gjysmën e parë të vitit i kanë kushtuar Kinës 7.5 miliardë dollarë, sipas ministrisë së menaxhimit të emergjencave. Më shumë se 90% e dëmeve kanë ardhur nga përmbytjet, theksoi ministria.

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026