Vjedhja e shtëpisë së Brad Pitt, 4 adoleshentë bien në pranga

Katër adoleshentë janë arrestuar për grabitjen e shtëpisë së Brad Pitt. Mendohet se të dyshuarit qëndrojnë pas disa “grabitjeve të të famshmëve” duke shënjestruar shtëpitë e aktorëve dhe sportistëve.

Katër djemtë nga të cilët dy janë 18 vjeç, njëri 17 dhe tjetri 16, janë anëtarë të një bande kriminale dhe gjatë kontrollit të shtëpive të tyre, u gjetën sende të vjedhura.
Shtëpia e Pitt, në Los Angeles, u plaçkit ndërsa aktori ishte në një turne promovues për filmin e tij më të fundit.

Katër të dyshuarit u ndoqën gjatë javës së shkuar dhe u arrestuan me akuza për grabitje. Policia nuk ka dhënë sqarime për sendet që janë gjetur gjatë kontrollit të shtëpive të tyre.
Sipas policisë, grabitësit si ky grup janë bërë të zgjuar duke vendosur kamera në vazot e luleve apo në rrugët pranë shtëpive për të vëzhguar rutinën e viktimës. Ata kishin përdorur bllokues sinjali për kamerat e sigurisë dhe të alarmit që mund të sinjalizojnë pronarët apo policinë.

Policia theksoi se të famshmit dhe sportistët janë shënjestra më të lehta pasi daljet e tyre publike dhe ndeshjet publikohen online.

LEXONI GJITHASHTU: 

• Grabitet vila e Brad Pitt në Los Angeles, hajdutët marrin sendet me vlerë
• Një mashtrues që imitonte Brad Pitt tani po përdor identitetin e Keanu Reeves