Indi, numri i viktimave prej COVID-19 kalon 300 mijë

Ditën e hënë ishte e zymtë për Indinë e cila kaloi shifrën e 300 mijë vdekjeve prej COVID-19, ndërkohë që vala shkatërruese e pandemisë sa po vjen e po ulet.

Ministria e Shëndetësisë në Indi bëri me dije se është ritmi i ngadaltë i vaksinimit që po dëmton luftën e vendit me pandemisë, teksa një infeksion i rrallë, por fatal kërpudhash që prej pacientët me COVID ka shqetësuar mjekët.

Numri i të vdekurve në Indi është i treti më i lartë i raportuar në botë, duke zënë 8.6 % të gati 34.7 milion viktimave të coronavirusit në mbarë globin, megjithëse shifrat reale mendohet të jenë shumë më të larta.

Të hënën u raportuan 4.454 vdekje në 24 orë duke e çuar numrin total të viktimave në 303.720. Të infektuar të rinj ishin 222.315 dhe numri total i tyre u rrit gati në 27 milionë.

Në javët e fundit vdekjet dhe rastet mesatare ditore janë ulur dhe qeveria deklaroi se po kryhen në masë teste për COVID-19, me më shumë se 2.1 milionë mostra të marra në 24 orët e fundit.

LEXONI GJITHASHTU:

• India regjistron më shumë se 4.000 vdekje të përditshme nga COVID-19
• Varianti indian i COVID-19, Gjermania ndalon udhëtimet drejt Britanisë
• Pfizer dhe AstraZeneca janë shumë efektive kundër variantit indian, thotë studimi