VIDEO/ “Ndeshje turpi”, qindra protestues kundër ekipit izraelit në Bolonja

Qindra njerëz protestuan në Bolonja të Italisë përpara ndeshjes së Euroligës midis Virtus Bologna dhe Maccabi Tel Aviv, duke e cilësuar atë si një ngjarje që shkon përtej sportit.

Protestuesit denoncuan veprimet e Izraelit në Gaza dhe e quajtën takimin sportiv një “ndeshje turpi”, ndërsa brohorisnin slogane kundër qeverisë italiane dhe kryebashkiakut Matteo Lepore, të cilin e akuzuan për “bashkëpunim në gjenocid”.

Marshimi nisi nga një shesh qendror i qytetit ndërsa sipas ANSA-s dhe La Repubblica, protestuesit hodhën materiale ndërtimi, vezë, ngjyra dhe fishekzjarre në drejtim të oficerëve ndërsa policia u përgjigj me topa uji për të shpërndarë turmën.

Pas ndërhyrjes, protestuesit u shpërndanë në grupe më të vogla, ndërsa disa prej tyre ndërtuan barrikada duke përdorur kosha plehrash dhe materiale nga kantieri i tramvajit.

Lives scenes from Bologna
Masked mobs attack the police including Antifa.
Reason? Against Tel Aviv being in the Euros.

Unfortunately the UK is too spinless to have such a thing as Water Cannons to push back the mob. pic.twitter.com/Tz1Sa8wKNQ

— Make Britain Great Again (@UkandNireland) November 21, 2025