Pranga opozitarit rus, autoritetet vonojnë nisjen e avionit për ta arrestuar

Autoritetet në Shën Petërburg të Rusisë vonuan nisjen e një avioni me destinacion Poloninë për të arrestuar kryetarin e një grupi opozitar.

Lajmin e bëri të ditur një shoqatë që monitoron veprimet e policisë ruse kundër figurave të opozitës, sipas të cilës Andrei Pivovarov u mor me forcë nga avioni në aeroportin Pulkovo dhe u transferua në zyrat e Komitetit Hetimor.

I arrestuari ishte kryetar i “Rusia e Hapur”, një grup që muajin e kaluar njoftoi pezullimin e aktiviteteve me qëllim mbrojtjen e anëtarëve të tij nga burgimi.

Në vitin 2017, autoritetet në Moskë e shpallën grupin në fjalë, me bazë në Londër, “të padëshirueshëm”.