BE reagon pas takimit Trump-Zelensky: U shënua një përparim i mirë

Presidentja e Komisionit Evropian, Ursula von der Leyen, ka reaguar pas takimit mes Presidentit të Shteteve të Bashkuara, Donald Trump dhe atij të Ukrainës, Volodymir Zelenki ku u diskutuan negociatat për paqen.

“Patëm një bisedë të mirë, që zgjati rreth një orë, me Presidentin e SHBA-së, Trump, Presidentin Zelensky dhe disa liderë evropianë, për të diskutuar takimin e sotëm mbi negociatat e paqes. U shënua një përparim i mirë, të cilin e mirëpritëm.

Evropa është e gatshme të vazhdojë të punojë me Ukrainën dhe partnerët tanë amerikanë për të konsoliduar këtë përparim. Thelbësore për këtë përpjekje është që të ketë garanci të pathyeshme sigurie që nga dita e parë”, – deklaroi von der Leyen në një reagim në rrjetin X.