Bllokada e Kallpaqit: Hapja e rrugëve me pagesë, thirrje për mbështetje

Fermerët dhe blegtorët e Prefekturës së Janinës po ecin përpara me hapjen e rrugëve me pagesë në Drosokori, si pjesë e protestave të vazhdueshme në Epir.

Rrugët me pagesë të Autostradës Egnatia në Drosokori pritet të hapen të martën në orën 13:00. Vendimi u mor në një takim të mbajtur sot, i pari pas Krishtlindjeve, kur u vendos që të shtensionohen përkohësisht mobilizimet në Prefekturën e Janinës, shkruajnë mediat greke.

Në të njëjtën kohë, bllokada e Kallpaqit u bëri thirrje të gjithë fermerëve dhe blegtorëve që mund të mbështesin aksionin të mblidhen në Bafra në orën 12:45 të mesditës.

Pas hapjes së rrugëve me pagesë, fermerët dhe blegtorët pritet të kthehen në një takim të ri për të marrë vendime të mëtejshme. Siç theksojnë ata, kushtet e pafavorshme të motit dhe lufta disaditore kanë shkaktuar lodhje, megjithatë çdo veprim i mëtejshëm do të vendoset në koordinim dhe konsultim me pjesën tjetër të blloqeve bujqësore në vend.