Venezuelë, Machado sulmon Delcy Rodriguez: Do të kthehem sa më shpejt në vend

Liderja e opozitës venezuelane, Maria Corina Machado, ka deklaruar se synon të rikthehet në Venezuelë sa më shpejt të jetë e mundur. Në një intervistë për Fox News, e zhvilluar nga një vendndodhje e fshehtë, ajo ka sulmuar ashpër presidenten e përkohshme të vendit, Delcy Rodriguez.

Machado e ka akuzuar Rodriguez si “një nga figurat kryesore përgjegjëse për tortura, persekutime, korrupsion dhe trafik droge”. Sipas saj, ndryshimi politik në vend do të hapte një kapitull të ri për Venezuelën.

“Një Venezuelë e lirë do të shndërrohet në polin energjetik të Amerikave”, është shprehur Machado, duke theksuar vizionin e saj për të ardhmen e vendit pas largimit të regjimit aktual.