Garda Revolucionare e Iranit: 400 mijë shkelje të sigurisë u regjistruan gjatë protestave në vend

Garda Revolucionare Islamike në Iran, IRGC ka publikuar një deklaratë ku përshkruan operacionet e saj të fundit kundër atyre që i përshkroi si “terroristë të armatosur”.

IRGC tha se gati 400,000 raportime publike për shkelje të sigurisë dhe aktivitete të dyshuara sabotimi ose terroriste janë marrë përmes sistemit të informacionit “Basij 114”, duke çuar në disa raste në arrestime.

Sistemi i informacionit “Basij 114” është një numër telefoni që IRGC-ja e ndau të martën për të marrë informacione mbi protestuesit.

Irani ka përdorur teknika të reja për të shtypur me shpejtësi dhe vendosmëri protestat në vend. Ajo që filloi si metoda të vjetra të regjimit për kontrollin e trazirave u përshkallëzua shpejt në teknika të përparuara për të shtypur protestat.