Sekretari i Thesarit i SHBA-së: Hakmarrja evropiane ndaj tarifave do të ishte ‘shumë e pamatur’

Sekretari i Thesarit i Donald Trump ka paralajmëruar se hakmarrja evropiane ndaj tarifave të presidentit amerikan do të ishte “shumë e pamatur”.

Scott Bessent i kërkoi gjithashtu Evropës të mos dyshojë në qëllimet e Trumpit lidhur me Groenlandën. 

“Kam udhëtuar, kështu që nuk kam qenë në kontakt (me zyrtarë evropianë), por fola me Presidentin Trump dhe me sa duket ka shumë vizitorë që vijnë, dhe mendoj se të gjithë duhet ta besojnë fjalën e presidentit”, u tha ai gazetarëve në Forumin Ekonomik Botëror në Davos të Zvicrës.

Bessent e quajti gjithashtu një “mashtrim të plotë” (një thashethem të rremë ose të pabazuar) të mendosh se veprimi i Trumpit në Groenlandë është për shkak të dështimit të tij për të fituar Çmimin Nobel për Paqen.