Fluturimet e Lufthansa për në dhe nga Teherani pezullohen deri më 29 mars

Fluturimet e Lufthansa-s për në dhe nga Teherani janë pezulluar deri më 29 mars. Pezullimi u njoftua të hënën nga një zëdhënës i grupit të linjave ajrore gjermane për Agjencinë Franceze të Lajmeve.

Të mërkurën, më 14 janar, Lufthansa kishte njoftuar se do të anashkalonte hapësirën ajrore iraniane dhe irakiane deri në njoftim të mëtejshëm. Zëdhënësi sqaroi se avionët do të përdorin një pistë brenda hapësirës ajrore irakiane që nga 19 janari.

Ai tha gjithashtu se Austrian Airlines – një anëtare e grupit Lufthansa – nuk do të shërbejë në Teheran të paktën deri më 16 shkurt.

Të premten, Agjencia e Sigurisë së Aviacionit të Bashkimit Evropian, EASA gjithashtu rekomandoi që linjat ajrore të shmangin hapësirën ajrore iraniane për shkak të kërcënimeve të SHBA-së për një sulm të mundshëm ndaj Iranit.