Gjendje emergjence në ajër, avioni luftarak britanik Typhoon probleme me kontrollin

Një avion luftarak Typhoon i RAF shpalli gjendje emergjente ndërsa po kryente një fluturim stërvitor mbi Skoci, njoftoi forca ajrore britanike. Avioni, i nisur nga baza RAF Lossiemouth në Moray, hasi një problem me kontrollin e fluturimit rreth orës 12:20.

RAF konfirmoi se Typhoon u ul në mënyrë të sigurt në bazën Moray në orën 12:44. Ky incident ndodhi gjatë stërvitjes Point Blank, në të cilën marrin pjesë gjithashtu avionë reaktivë F-15 dhe F-35.

Aktiviteti i avionëve ushtarakë do të vazhdojë mbi zona të ndryshme të Skocisë, veçanërisht në Malësitë e Ulëta dhe pranë bregut lindor, dhe pritet të zgjasë deri në shkurt.