8 orë seancë paraprake, SPAK nuk kalon për gjykim dosjen e Metës

Përfundon pas rreth rreth 8 orësh seanca e radhës paraprake për presidentin e PL-së, Ilir Meta, ku SPAK nuk arriti as në këtë seancë t’i lexonte të gjitha parashtrimet e kërkesës për kalimin në gjykim të dosjes.

Organi i akuzës ka arritur të lexojë deri më tani rreth 130 faqe ku kanë mbetur edhe 100 të tjera të cilat do të lexohen në seancën e ardhshme.

Nesër në gjykatën e Apelit të Posaçëm do të shqyrtohet kërkesa e Ilir Metës për revokim ose zbutje të masës së sigurisë “arrest në burg” caktuar ndaj tij në 21 tetor 2024.

Monika Kryemadhi akuzohet për korrupsion pasiv të funksionarëve të lartë shtetërorë, pastrim parash dhe mosdeklarim pasurie.

Ndërkohë, Ilir Meta është nën akuzë nga SPAK për korrupsion në tre raste të ndryshme. Ish-presidenti akuzohet për korrupsion pasiv të funksionarëve të lartë shtetërorë ose të zgjedhurve.