Pengmarrja në shkollën në Tajlandë, 17-vjeçari vret me armë mësuesen

Mësuesja Sasipat Sinsamosorn ndërroi jetë si pasojë e plagëve të marra pasi një adoleshent i armatosur hapi zjarr në shkollën ku ajo punonte në distriktin Hat Yai në Tajlandën jugore, tha administrata provinciale.

Sulmuesi 17-vjeçar përdori një armë zjarri që ia vodhi një oficeri policie për të qëlluar Sasipatin në shkollën në provincën Songkla, raportoi Reuters.

Sinsamosorn u transferua në njësinë e kujdesit intensiv për ndërhyrje kirurgjikale, por ajo vdiq këtë mëngjes rreth orës dy për shkak të lëndimeve të rënda në organet e brendshme dhe humbjes së madhe të gjakut, njoftoi Ministria e Shëndetësisë e vendit.

Zyrtarët shtuan se i dyshuari ka një motër në shkollë, një histori abuzimi me substanca dhe u lirua nga një spital psikiatrik në dhjetor.

Siç u njoftua dje, një burrë i armatosur qëlloi në shkollë dhe mbajti peng nxënësit dhe mësuesin.

Policia më vonë arrestoi sulmuesin dhe të gjithë pengjet u liruan.

Të paktën tre persona u plagosën në incident, tha një zyrtar tjetër i policisë.