Bordi i Paqes, cilat vende refuzuan pjesëmarrjen? Trump: Do mblidhen 5 miliardë dollarë për Gazën

Këtë të enjte do të zhvillohet mbledhja inauguruese e Bordit të Paqes në Uashington. Ky bord i krijuar nga presidenti amerikan Donald Trump është për t’i dhënë fund luftës në Gaza do të mbledhë lider nga e gjithë bota përfshirë edhe kryeministrin Edi Rama.

Disa shtete e kanë refuzuar ftesën e Trump ku duhet theksua se janë aleatë të mëdhenj evropianë, përfshirë Britaninë e Madhe, Gjermaninë dhe Francën. Refuzimi i tyre erdhi pasi ata kanë shprehur dyshime për mënyrën e funksionimit të Bordit dhe mundësinë që ai të rivalizojë Kombet e Bashkuara. Në bord nuk ka përfaqësim palestinez, ndërsa Izraeli mban një vend.

Presidenti Trump njoftoi para takimit se anëtarët e bordit kanë premtuar 5 miliardë dollarë për përpjekjet e rindërtimit të Gazës, një pjesë e vogël krahasuar me 70 miliardë dollarët që nevojiten për të rindërtuar territorin palestinez të shkatërruar nga dy vite konflikt.

Armëpushimi në Gaza mbetet i brishtë, me Izraelin dhe Hamasin që akuzojnë njëri-tjetrin për shkelje të marrëveshjes. Sipas kushteve të armëpushimit, trupat izraelite u tërhoqën pas një të ashtuquajture “vijë e verdhë”, megjithëse ato mbeten në kontroll të më shumë se gjysmës së territorit.