Ish-kryeministri i Izraelit: Turqia është Irani i ri, Erdogani është i rrezikshëm

Ish-kryeministri izraelit Naftali Bennett, duke folur në një konferencë të organizatave hebraike në Jerusalem, vlerësoi se Turqia nën Presidentin Rexhep Tajip Erdogan përbën një “kërcënim të ri strategjik për Izraelin”.

Ai e përshkroi Erdoganin si “një kundërshtar të sofistikuar dhe të rrezikshëm që dëshiron të rrethojë Izraelin” dhe foli për një “bosht” në rajon, që lidh Turqinë, Katarin dhe Vëllazërinë Myslimane me aftësitë bërthamore të Pakistanit.

Sipas tij, ky aks “po përpiqet të nxisë armiqësi kundër Izraelit”.

“Një kërcënim i ri turk po shfaqet. Dua të jem i qartë. Turqia dhe Katari kanë fituar ndikim në Siri dhe po kërkojnë ndikim diku tjetër në rajon. Prandaj paralajmëroj: Turqia është Irani i ri ”, tha Bennett duke vazhduar se:

“Ne duhet të veprojmë në mënyra të ndryshme, por në të njëjtën kohë kundër kërcënimit nga Teherani dhe kundër armiqësisë nga Ankaraja”.