Ministri izraelit i Mbrojtjes bisedë telefonike me Hegseth: Trump dhe Netanyahu po ndryshojnë historinë globale

5 Mars 2026 | 09:00

Ministri izraelit i Mbrojtjes, Izrael Katz ka zhvilluar një bisedë në telefon me homologun e tij amerikan dhe shefin e Pentagonit, Pete Hegseth. Sipas një deklarate nga Ministria e Mbrojtjes izraelite, Katz shprehu ngushëllimet e tij për vdekjen e gjashtë ushtarëve amerikanë të vrarë në sulmet iraniane.

Ai ndër të tjera vuri në dukje se Izraeli po bën dhe do të vazhdojë të bëjë gjithçka për të ndihmuar në mbrojtjen e sigurisë së trupave amerikane në rajon.

Katz kërkoi që falënderimet t’i përcillen Presidentit të SHBA-së Donald Trump për mbështetjen e tij të madhe për Izraelin, duke vënë në dukje se bashkëpunimi midis Trump dhe kryeministrit Benjamin Netanyahu kundër Iranit po ndryshon historinë rajonale dhe globale.

Ministri izraelit i Mbrojtjes gjithashtu falënderoi Hegseth për mbështetjen e tij për Izraelin dhe për ndihmën e tij në mbrojtjen e qytetarëve të Shtetit të Izraelit kundër kërcënimit raketor iranian, duke nënvizuar bashkëpunimin e ngushtë midis ushtrive për të arritur të gjitha objektivat e luftës.

Sipas zyrës së Katz, Hegseth vlerësoi bashkëpunimin midis ushtrive dhe aftësitë e Forcave të Armatosura Izraelite, IDF. Në njoftim thuhet se Hegseth i tha ministrit izraelit: “Vazhdoni deri në fund, ne jemi me ju”.

Home Kryefaqja
Shiko në: YouTube
Lajme të Sugjeruara

Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë

Një aksident i rëndë u regjistrua këtë të diele në Barcelonë, kur dy persona humbën jetën dhe një tjetër u plagos. Shoferi i njërit mjet...
18:54 | 28/06/2026

Trump kontrollon projektet e rinovimit në Uashington

Presidenti amerikan, Donald Trump kontrolloi disa nga projektet e tij të rinovimit në Uashington DC të dielën në mëngjes, duke filluar me një shëtitje në...
18:20 | 28/06/2026

Serbët do të vazhdojnë protestat edhe pasi presidenti Vuçiç njoftoi se do të japë dorëheqjen

Mijëra protestues pritej të mblidheshin në qytetin serb të Kralevës të dielën, një ditë pasi Presidenti Aleksandar Vuçiç tha se do të jepte dorëheqjen, duke hapur...
18:09 | 28/06/2026