Komandanti iranian i mbrojtjes ajrore: Kemi shkatërruar më shumë se 160 dronë

Komandanti i mbrojtjes ajrore të Iranit pretendon se forcat iraniane kanë shkatërruar disa avionë luftarakë të përparuar, dhjetëra raketa lundrimi dhe më shumë se 160 dronë.

Amerika nuk e ka konfirmuar se avioni luftarak F-15 që u rrëzua mbi Iranin është qëlluar nga iranianët. Në një deklaratë, gjenerali i brigadës Alireza Elhami tha se forcat e tij janë gati të ngrenë pritë ndaj aeroplanëve luftarakë dhe dronëve të armikut.

Sipas tij kjo do të bëhet me metoda dhe pajisje moderne vendase”të ndërtuara për të goditur avionë të gjeneratës së pestë dhe sisteme të përparuara pa pilot.

Avionët luftarakë të gjeneratës së pestë janë më të përparuarit në botë dhe krenohen me teknologji të përparuar të fshehtësisë, të projektuar për të mposhtur radarët e armikut.