Sulmet ajrore, mbyllet kalimi kufitar irakian me Iranin

Një pikë kalimi kufitar që lidh Irakun me Iranin është shënjestruar në një sulm ajror, me agjencinë shtetërore të lajmeve të Iranit, Tasnim, që raporton se një civil irakian është vrarë në sulm.

Kreu i Porteve Kufitare të Irakut, Omar al-Waeli, njoftoi pezullimin e trafikut tregtar dhe lëvizjes së pasagjerëve përmes pikës kufitare Shalamcheh si rezultat i sulmit ajror.

Ky vendim, tha ai erdhi pas një sulmi ajror në anën iraniane, i cili rezultoi në vdekjen e një qytetari irakian dhe plagosjen e pesë të tjerëve pranë pikës kufitare irakiane.

Videoja që qarkullon në mediat sociale nga vendi i kalimit kufitar tregon tym të zi që ngrihet dhe dëme të shkaktuara në pjesën e brendshme të ndërtesës, me mbeturina të shpërndara përreth.

Zakonisht, kalimi i Shalamçeh përdoret nga udhëtarët irakianë dhe iranianë për t’u nisur dhe për të mbërritur në rrugë tokësore, veçanërisht gjatë sezoneve të festave dhe periudhave të pelegrinazhit fetar.

Gjatë Luftës Iran-Irak të viteve 1980, ky vendkalim u bë një nga vijat kryesore të frontit të luftës. Forcat irakiane e përdorën atë si një rrugë kyçe pushtimi në fillim të konfliktit dhe zona dëshmoi disa nga luftimet më të ashpra dhe më vdekjeprurëse të atij konflikti.