Koreja e Jugut dërgon anije në Arabinë Saudite për të shmangur Ngushticën e Hormuzit

Koreja e Jugut do të dërgojë pesë anije me flamur korean në portin Yanbu në Arabinë Saudite për të ndihmuar në krijimin e rrugëve alternative të furnizimit me naftë dhe për të shmangur ndërprerjet e shkaktuara nga tensionet në Ngushticën e Hormuzit, tha një deputet në pushtet.

Çmimet e naftës janë rritur ndjeshëm pas përshkallëzimit të konfliktit SHBA-Izrael kundër Iran, duke rritur rreziqet për inflacion dhe çmime më të larta në Kore, e cila mbështetet në naftën bruto të Lindjes së Mesme për rreth 70% të importeve të saj.

Për shkak të situatës, Seuli ka ndërmarrë masa emergjente, përfshirë një kufizim të çmimit të karburantit, hapi i parë i këtij lloji që nga viti 1997.

Ligjvënësi Ahn Do-geol deklaroi pas një takimi me agjencitë përkatëse se “anijet me flamur korean do të dërgohen në rrugë alternative për të siguruar furnizime me naftë të papërpunuar, duke përdorur rrugë eksporti që anashkalojnë Ngushticën e Hormuzit”. Ai shtoi se pesë anijet do të vendosen në portin Yanbu në Detin e Kuq, pa dhënë detaje shtesë.