Kush është personi që qëlloi në takimin e Trump me gazetarët në Shtëpinë e Bardhë?

Të shtëna me armë u regjistruan gjatë darkës së Shoqatës së Korrespondentëve të Shtëpisë së Bardhë në Uashington DC të shtunën në mbrëmje. I dyshuari u arrestua. Një agjent u qëllua nga afër, por jeleku i tij antiplumb i shpëtoi jetën.

Ngjarja vjetore u zhvillua në hotelin Washington Hilton, me pjesëmarrjen për herë të parë si president të Donald Trump.

Zonja e Parë Melania Trump, zëvendëspresidenti JD Vance dhe qindra gazetarë, figura mediatike dhe zyrtarë qeveritarë ishin gjithashtu të pranishëm në takim.

Një person i dyshuar i armatosur hyri me vrap në hollin e hotelit, duke u përpjekur të kalonte rojet e sigurisë dhe detektorët e metaleve, rreth orës 00:45 GMT.

U dëgjuan shpërthime të forta, duke bërë që personeli i sigurisë të largonte menjëherë presidentin dhe zyrtarët e tjerë nga vendi i ngjarjes.

Qindra të ftuar qëndruan brenda për rreth një orë përpara se salla kryesore të pastrohej.

Trump publikoi në rrjetet sociale imazhe dhe një video të të dyshuarit.

Cole Tomas Allen, 31 vjeç, raportohet si personi i dyshuar,

Allen pritet të akuzohet të hënën për disa vepra penale, përfshirë përdorimin e armës së zjarrit gjatë një krimi të dhunshëm.

Trump u tha gazetarëve më pas: “Nuk mund të imagjinoj shumë profesione që janë më të rrezikshme”, duke reflektuar mbi disa tentativa me armë gjatë tre viteve të fundit.