Projektligji për zgjedhjet, republikanët e bllokojnë në Senat, Harris: Lufta s’ka mbaruar

Republikanët në Senatin e SHBA-së bllokuan një projektligj të reformës zgjedhore.

Projektligji që synonte të lehtësonte procesin e votimit për amerikanët, u votua me 50 vota pro dhe 50 kundër.

Projektligji, i njohur si “Akti Për Njerëzit”, do të prekte pothuajse çdo aspekt të mënyrës se si zhvillohen zgjedhjet, kufizimin e ndikimit të parave në politikë dhe kufizimin e ndikimit partiak mbi procesin e përcaktimit të kufijve të zonave me përfaqësim në Kongres.

Udhëheqësi i shumicës së Senatit, Chuck Schumer e vendosi projektligjin si një nga përparësitë kryesore të partisë së tij, duke thënë se ai mund të ketë kompensuar një valë masash të miratuara nga legjislaturat shtetërore të kontrolluara nga republikanët duke vendosur kufij të rinj në votim.

Ligjvënësit republikanë justifikojnë ligjet e tyre të reja, duke cituar pretendimet e rreme të ish-presidentit Donald Trump se humbja e tij në zgjedhjet e nëntorit ishte rezultat i mashtrimit.

Zv-presidentja amerikane Kamala Harris, e cila është angazhuar për të çuar përpara reformën, ka thënë pas votimit se “lufta nuk ka mbaruar”.

Ndërsa, udhëheqësi republikan, Mitch McConnell e quajti projektligjin një zgjidhje që kërkon të gjejë një problem.

LEXONI GJITHASHTU:

• Ambasadori i Kinës në Uashington, lë postin pas tetë vitesh
• Më shumë milionerë, pandemia rriti numrin e të pasurve, ‘fundosen’ të varfrit
• ‘Jo takimit me Biden’, presidenti i ri i Iranit: SHBA të rikthehen në paktin bërthamor