Tre anije cisternë sulmohen nga dronë në Detin e Zi

Agjencia e transportit detar Tribeca njoftoi se sulme me dronë u raportuan ndaj tre anijeve cisternë në Detin e Zi të enjten pranë bregdetit verior të Turqisë.

Anija tanker James II, që lundronte nën flamurin e Palaut ishte rreth 80 km në veri të Zonës Turkeli në Detin e Zi kur ndodhi incidenti.

Agjencia tha gjithashtu se tankerët Altura dhe Velora, që lundronin nën flamurin e Sierra Leones u sulmuan në një zonë të afërt, ndërsa po kryenin një operacion anije me anije.

“Anije sigurie bregdetare u dërguan në vendngjarje për ndihmë dhe të gjithë anëtarët e ekuipazhit në cisterna u raportuan në gjendje të mirë,” tha agjencia.

Moska dhe Kievi kanë sulmuar shpesh portet dhe anijet cisternë të njëra-tjetrës që kur Rusia nisi pushtimin e saj të plotë të Ukrainës më shumë se katër vjet më parë. Asnjëri vend nuk mori menjëherë përgjegjësinë për sulmin e ri të raportuar.