Rikthehet Donald Trump: Zgjedhjet i kemi fituar 2 herë, do të fitojmë sërish

Donald Trump zhvilloi tubimin e parë të stilit elektoral që nga largimi nga Shtëpia e Bardhë, duke mbajtur një fjalim gjëmues përpara një audience që e adhuronte.

Ish-presidenti ka shtuar daljet teksa po afrojnë zgjedhjet e mesmandatit, që mbahen vitin e ardhshëm.

“Ne i fituam zgjedhjet dy herë dhe kemi shanse që t’i fitojmë ato për një herë të tretë. Kjo është e mundur”, u shpreh Trump.

Ish-presidenti, profili i të cilit është hequr nga platformat e rrjeteve sociale dhe që përballet me një seri sfidash ligjore, ka folur disa herë për rikandidim në vitin 2024, por në fjalimin 90-minutësh në Ohajo ai nuk e përmendi të ardhmen tij politike, edhe pse turma brohoriste parullën “Edhe 4 vjet të tjera!”.

LEXONI GJITHASHTU:

• Ish-presidentit Trump i ndalohet përdorimi i Facebook të paktën deri në janar të 2023
• E ardhmja e NATO-s, pas Trump, Aleanca kërkon marrëdhënie të re me Biden
• ‘Mashtroi për zgjedhjet’, ish-avokatit të Trump i pezullohet licenca e avokatisë