ChatGPT do të kryejë blerje online për përdoruesit

ChatGPT do të ketë së shpejti mundësinë të kryejë blerje online në emër të përdoruesve, falë një partneriteti të ri mes kompanisë OpenAI dhe gjigantit të pagesave elektronike Visa.

Me këtë funksion të ri, përdoruesit do të mund t’i kërkojnë ChatGPT-së të gjejë një produkt sipas preferencave dhe buxhetit të tyre. Inteligjenca artificiale do të kërkojë opsionet më të përshtatshme, do të zgjedhë produktin dhe më pas do të përfundojë blerjen duke përdorur kartën Visa të lidhur me llogarinë e përdoruesit.

Për të garantuar sigurinë, përdoruesit do të mund të vendosin kufij shpenzimesh, të kërkojnë miratim përpara çdo blerjeje.

Visa do të mbikëqyrë procesin e pagesave dhe do të monitorojë transaksionet për të parandaluar mashtrimet.

Sipas kompanive, kjo teknologji synon ta kthejë ChatGPT-në nga një mjet që vetëm rekomandon produkte në një asistent personal që mund të kryejë të gjithë procesin e blerjes për përdoruesin.