Përfundon pa gola ndeshja në San Francisko, Australia siguron kualifikimin pas barazimit me Paraguain

Australia ka siguruar kualifikimin në fazën tjetër të Kupës së Botës FIFA 2026, pas barazimit 0-0 ndaj Paraguait në ndeshjen e fundit të Grupit D, të zhvilluar në stadiumin San Francisco Bay Area në SHBA.

Australia e nisi më mirë ndeshjen, duke ushtruar presion ndaj Paraguait, i cili zgjodhi të mbrohej me disiplinë dhe të kërkonte rastet në kundërsulm.

“Socceroos” kontrolluan pjesën më të madhe të lojës, por nuk arritën të depërtonin mbrojtjen e organizuar të Paraguait. Në pjesën e dytë, Paraguai u bë më i rrezikshëm në posedim, por nuk krijoi raste të pastra shënimi, duke bërë që ndeshja të përfundonte pa gola.

Me këtë rezultat, Australia e mbylli Grupin D në vendin e dytë dhe siguroi kalimin në fazën eliminatore, ndërsa Paraguai, që përfundoi i treti, do të presë rezultatet e grupeve të tjera për të mësuar nëse do të kualifikohet si një nga skuadrat më të mira të vendeve të treta.

Në fazën e 1/16-ave, Australia do të përballet me Iranin. Nëse arrin të kualifikohet si një nga vendet e treta më të mira, Paraguai do të luajë kundër Gjermanisë.