Kujdes me lehtësimin e masave kufizuese, thotë OBSH pas përhapjes së variantit Delta

Strategjia e kryeministrit Boris Johnson për t’i dhënë fund distancës fizike dhe mbajtjes së maskës kritikohet nga ekspertët e OBSH-së.

Këta të fundit janë të shqetësuar edhe për variantin ‘Delta’ të coronavirusit.

“Në këtë kohë unë do të nxisja një kujdes ekstrem në heqjen e plotë të masave publike dhe shoqërore, sepse mund të ketë pasoja për këtë strategji”, thotë Michael Ryan, shefi i OBSH-së, përgjegjës për programin e emergjencës.

Shumë kombe të pasura po përgatiten të lehtësojnë edhe më shumë masat kufizuese, ndonëse ende po luftojnë me virusin.

Vendet në të gjithë Azinë e në Paqësor, nga Koreja e Jugut në Australi, janë goditur nga një rritje e të infektuarve me variantin ‘Delta’.

Ndërkohë, edhe Indonezia është kthyer një pikë e nxehtë globale.

Autoritetet detyrohen të importojnë furnizime me oksigjen dhe në 24 orët e fundit raportohet për 1.040 viktima.

LEXONI GJITHASHTU:

• Varianti Delta rikthen kufizimet në Katalonjë, shtohen të infektuarit në Greqi
• Britania e Madhe lehtëson kufizimet teksa rriten rastet me variantin “Delta”
• Kufizohet jeta e natës në Greqi pas rritjes së infektimeve me COVID