Pfizer kërkon autorizim për dozën e tretë të vaksinës anti-COVID

Kompania e prodhimit të vaksinës, Pfizer kërkon nga rregullatorët e SHBA-së që të autorizojnë një dozë të tretë përforcuese të vaksinës së saj anti-COVID.

Kompania bëri me dije se vendimi është marrë bazuar në prova të rrezikut më të madh të ri-infektimit, gjashtë muaj pas vaksinimit dhe përhapjes së variantit Delta.

Eksperti Michael Dolsten shtoi se të dhënat tregojnë se një dozë e tretë përforcuese gjeneron nivele të antitrupave që janë pesë deri në 10-fish më të larta se pas dozës së dytë, duke sugjeruar se kjo doze do të ofrojë mbrojtje premtuese.

Sipas tyre, rënia e raportuar së fundmi në efektivitetin e vaksinës në Izrael ishte kryesisht për shkak të infeksioneve tek njerëzit që ishin vaksinuar në janar ose shkurt.

LEXONI GJITHASHTU:

• Vaksinimi me të dyja dozat i domosdoshëm kundër variantit Delta, sipas studimit francez
• Britania e Madhe lehtëson kufizimet teksa rriten rastet me variantin “Delta”
• Kujdes me lehtësimin e masave kufizuese, thotë OBSH pas përhapjes së variantit Delta