Nuk ka një fitues të qartë nga zgjedhjet në Bullgari, shpresa tek koalicionet

Partia anti-establishment “Ka një popull’, e kryesuar nga drejtuesi televiziv Trifonov, mori 23.2% të votave, duke qëndruar më lart sesa partia GERB e ish-kryeministrit Boyko Borisov.

Kjo e fundit arriti të merrte vetëm 23% të votave.

Këto janë zgjedhjet e dyta brenda vitit në Bullgari që nga prilli, të cilat pasqyrojnë ndarjet e thella në shtetin më të varfër të Bashkimit Evropian e që ka probleme të shumta me korrupsionin.

Shumë qytetarë votuan për partitë anti-estamblishment me shpresën se do të veprojnë kundër korrupsionit, duke fajësuar ish-kryeministrin Borisov për mbështetjen e oligarkëve të fuqishëm.

Por, kjo parti vazhdon të përfitojë nga mbështetja e popullit për përpjekjet e saj për të modernizuar infrastrukturën e rrënuar, rrjetin rrugor dhe për të rritur pagat e sektorit publik.

Edhe nëse rezultatet zyrtare konfirmojnë GERB si partinë më të madhe, shanset e saj për të krijuar një koalicion qeverisës janë të vogla.

LEXONI GJITHASHTU:

• “Gjuha maqedonase, dialekt i bullgarishtes”, deklarata portugeze shkakton debate në Shkup
• Zgjedhjet në Bullgari, koalicioni ‘Bullgaria Demokratike’ kërkon vende në Parlament
• Zgjedhjet në Bullgari, kryeson kryeministri Borissov, rritet mbështetja për partitë që e kundërshtojnë