Zaev për zgjedhjet në Bullgari: Presim një qeveri që të heqë veton për rrugën drejt BE

Maqedonia e Veriut pret ndryshim në politikën e Sofjes pas zgjedhjeve parlamentare të së dielës në Bullgari.

“Këtë herë presim që nga zgjedhjet të dalë një parlament funksional dhe qeveri politike për marrjen e dritës jeshile, pra për zhbllokimin e Maqedonisë së Veriut në rrugën drejt BE-së. Mbetet të zgjidhet Parlamenti bullgar, që të ketë shpresë se do të merret një vendim për zhbllokimin e procesit integrues,” – deklaroi kryeministri Zaev.

Presidenti bullgar, Rumen Radev, një ditë më parë u shpreh se zgjidhja e mosmarrëveshjes varet nga Maqedonia e Veriut.

Në nëntor të vitit të kaluar, Bullgaria, si vend anëtar i Bashkimit Europian, ka përdorur veton ndaj Maqedonisë së Veriut, duke i bllokuar nisjen e bisedimeve për anëtarësim në Bashkimin Europian.

LEXONI GJITHASHTU:

• Nuk ka një fitues të qartë nga zgjedhjet në Bullgari, shpresa tek koalicionet
• Pendarovski: Nuk kemi çfarë të diskutojmë me Bullgarinë derisa të zgjidhet qeveria e re
• Odeta Barbullushi e sheh të vështirë mundësinë që Bullgaria të heqë veton ndaj RMV-së