Pandemia thelloi urinë në botë sipas raportit të OKB-së

Një raport i ri i Kombeve të Bashkuara thotë se situata e urisë në botë u përkeqësua shumë në vitin 2020, kryesisht për shkak të pandemisë.

Organizata për Ushqimin dhe Agrikulturën, (FAO) vlerëson se rreth një e dhjeta e popullsisë globale, ose 811 milionë njerëz, nuk janë ushqyer sa duhet vitin e kaluar.

“Kjo do të thotë se 418 milionë njerëz janë të kequshqyer në Azi dhe rreth 282 milionë të tjerë janë të kequshqyer në Afrikë. Edhe në Amerikën Latine mund të shohim një rritje deri në 9.1 për qind të popullsisë që në ditët e sotme kequshqehet”, u shpreh Maximo Torero, ekonomist në FAO.

Konfliktet, ndryshimet e klimës dhe rënia ekonomike janë faktorët e urisë, të rënduar nga pandemia.

FAO thotë se liderët politikë duhet të ndërmarrin një seri veprimesh, përfshirë integrimin njerëzor, zhvillimin e politikave të paqes në zonat e përfshira nga konfliktet, si dhe të garantojnë qëndrueshmëri klimatike dhe të ndërhyjnë për të ulur kostot e zinxhirëve të furnizimit me ushqime.

Organizata paralajmëron se do të duhet një përpjekje madhore e mbarë botës për të mbajtur premtimin për t’i dhënë fund varfërisë në 2030-n.

LEXONI GJITHASHTU:

• Nga COVID-19 tek varfëria, Evropa ndryshon prioritetet
• Lufta kundër varfërisë, liderët e BE-së mblidhen në Portugali për të caktuar më shumë objektiva socialë