Angela Merkel viziton sot Shtëpinë e Bardhë, takim me presidentin Biden

Kancelarja gjermane Angela Merkel viziton sot Shtëpinë e Bardhë ku do të takohet me Presidentin amerikan Joe Biden.

Ky pritet të jetë takimi i fundit zyrtar mes tyre, pasi kancelarja gjermane ka vendosur te tërhiqet nga politika.

Takimi ka në qendër vazhdimësinë dhe stabilitetin e marrëdhënieve mes Gjermanisë dhe SHBA-së dhe konfirmimin e administratës Biden për unitetin mes shteteve aleate.

Në agjendë përfshihen pandemia, Kina, por dhe projekti i gazsjellësit ‘Rrjedha Veriore 2”, që sjell gazin natyror nga Rusia në Gjermani, projekt i cili është kritikuar nga SHBA-ja.

Uashingtoni beson se ai kërcënon sigurinë e energjisë evropiane.

Por për Merkel, projekti nënkupton vetëm biznes me Rusinë, si çështje e sovranitetit kombëtar.

LEXONI GJITHASHTU:

• Shirat e dendur shkaktojnë përmbytje, të paktën tetë të vdekur në Gjermani dhe Belgjikë
• Pandemia thelloi urinë në botë sipas raportit të OKB-së
• Nga COVID-19 tek varfëria, Evropa ndryshon prioritetet