Presidenti kinez në Tibet: Ndiqni gjurmët e partisë dhe njihni rolin e Kinës mëmë

Presidenti i Kinës, Xi Jinping zhvilloi vizitën e tij të parë në rajonin autonom të Tibetit, ku i bëri thirrje popullsisë lokale të ndjekin gjurmët e partisë.

Vizita e tij, e para e një lideri kinez në Tibet në tri dekada, vjen teksa vendi po përballet me shqetësime të shumta sa i takon sigurisë si pasojë e përplasjeve me Indinë dhe e tërheqjes së trupave amerikane nga Afganistani.

Por ajo është edhe një sinjal i fortë sa i përket unifikimit të Kinës dhe shtypjes së prirjeve për pavarësi të rajonit autonom.

Në kuadër të vizitës disaditore, Xi vizitoi disa qytete, përfshirë kryeqytetin Lhasa, ku qëndroi në manastirin dhe në pallatin e sheshit Potala.

Ky i fundit ka shërbyer si shtëpia tradicionale e liderit shpirtëror Dalai Lama, i cili jeton në mërgim dhe është etiketuar si një separatist i rrezikshëm nga Pekini.

Presidenti u takua edhe me përfaqësues të trupave kineze të vendosura në rajon, duke vlerësuar rolin e tyre në ruajtjen e politikës së një Kine të vetme.

LEXONI GJITHASHTU:

• Xi Jinping mesazh liderëve të BE, mbështetje në betejën kundër COVID-19
• Kina përballë perëndimit, Jinping paralajmëron fuqitë e huaja për përpjekjet për ndikim