Një tjetër atlet rezulton i infektuar në fshatin olimpik

Të shtunën, organizatorët e Lojërave Olimpike thanë se një tjetër atlet pjesëmarrës në eventin sportiv kishte rezultuar pozitiv ndaj COVID-19.

Sipas organizatorëve, rastet e infektimeve u rritën, duke e çuar totalin në 123.

Ceremonia e hapjes së lojërave u mbajt ditën e premte, në stadiumin kombëtar të Tokios.

I shtyrë për një vit, organizatorët u detyruan të merrnin vendimin për ta mbajtur eventin pa tifozë, pasi rikthimi i coronavirusit është realitet.

Por, krahas ceremonisë, jashtë stadiumit kombëtar të kryeqytetit japonez u zhvillua edhe një protestë kundër Lojërave Olimpike.

Disa qindra manifestues, të veshur me maska kirurgjike, mbanin parulla ku shkruhej “Jeta para lojërave”, “Ndaloni lojërat”.

LEXONI GJITHASHTU:

• Lojërat olimpike ‘Tokyo 2020’, mbërrijnë atletët pjesëmarrës në prag të nisjes së garave
• Mbi 90 raste me COVID përpara nisjes së Lojërave Olimpike, Guineja anulon pjesëmarrjen
• Regjisori i ceremonisë hapëse të Lojërave Olimpike shkarkohet për përqeshje të Holokaustit