Fari Cordouan i Francës siguron mbrojtje nga UNESCO

I goditur nga era prej më shumë se 400 vitesh  dhe i quajtur  ndryshe si “mbreti i fareve”, fari Cordouan i Francës arriti të fitojë njohjen nga UNESCO.

Monumenti, i cili do të shtohet në Listën e Trashëgimisë Botërore është i fundit që banohet në Francë dhe i dyti pas La Coruna të Spanjës që fiton këtë status nga organi i trashëgimisë botërore.

Cordouan u ndërtua në fund të shekullit të XVI-të dhe ndodhet në grykëderdhjen Gironde në Francën Jugperëndimore.

Sipas Komitetit të Trashëgimisë Botërore të UNESCO-s ai qëndron në një mjedis shumë të ekspozuar dhe armiqësor

Fari është projektuar nga inxhinieri Louis de Foix, dhe në fund të shek. të XVIII-të është rimodeluar nga inxhinieri Joseph Teulere.

Duke e përshkruar si një “kryevepër të sinjalizimit detar”, kulla  mishëron fazat e rëndësishme  të historisë arkitektonike dhe teknologjike të fareve.

Ai ilustron artin e ndërtimit të këtyre objekteve, kur fenerët luajtën një rol të rëndësishëm si shënjuesi territorialë dhe si instrumente të sigurisë.