Një bulevard dhe një park në Madrid shpallen trashëgimi botërore

Bulevardi “Paseo del Prado” dhe parku “Retiro” në Madrid janë shtuar në listën e UNESCO-s duke marrë statusin trashëgimi botërore.

“Paseo del Prado” i gjelbëruar me pemë, ndodhet në qendër të kryeqytetit spanjoll, ndërsa parku “Retiro”, është një nga pikat turistike më të vizituara të qytetit.

“El Retiro” është një hapësirë e gjelbër urbane ku ndodhet një liqen, të cilin vendasit dhe turistët e shijojnë përmes shëtitjeve me varkë.

“Unë mendoj se është zemra e Madridit, unë nuk njoh askënd që vjen në Madrid dhe nuk shkon në “Retiro” qoftë për një shëtitje apo për të konsumuar një pije, është qendra, zemra e qytetit,” – u shpreh një banore e Madridit.

Në të shkuarën ndodhej një pallat dhe kopshtet ishin ndërtuar për përdorim personal të Mbretit Felipe IV, në shekullin e 17-të.

“Paseo del Prado” ishte një nga bulevardet e para brenda kufijve të qytetit, të të gjitha qyteteve dhe kryeqyteteve europiane, ku të gjithë qytetarët, pa dallim të klasës shoqërore , mund të gëzonin kohën e lirë dhe të shëtisnin,” – deklaroi Ministria e Jashtme e Spanjës.

Sipas vlerësimit të UNESCO-S ky kopsht është “veçanërisht simbolik” në kohën e përballjes me pandemisë, pasi sipas tyre hapësira “përmbush plotësisht funksionin për të cilin u krijua fillimisht”.