Dy Koretë rivendosin kanalet e komunikimit, dakord për përmirësimin e marrëdhënieve

Koreja e Veriut dhe e Jugut kanë rivendosur kanalet e komunikimit midis tyre pasi udhëheqësit ranë dakord për të përmirësuar marrëdhëniet, pavarësisht një ngërçi prej më shumë se dy vitesh të ndërmjetësuar nga Shtetet e Bashkuara me synimin për të çarmatosur veriun nga armët bërthamore.

Presidenti i Koresë së Jugut Moon Jae-in dhe lideri i Koresë së Veriut Kim Jong Un arritën në një marrëveshje, rezultat i një letër shkëmbimi të gjerë nisur në muajin prill, njoftoi zyra e presidentit në Seul.

Dy krerët e shteteve ranë dakord mbi “rivendosjen e besimit të ndërsjellë dhe zhvillimin e marrëdhënieve dypalëshe sa më parë të jetë e mundur”, tha zëdhënësi presidencës Koresë Jugut, teksa shtoi se kanalet e komunikimit u rihapën mëngjesin e së martës.

“Tani, i gjithë kombi korean dëshiron të shohë shërimin e marrëdhënieve veri-jug nga gjendja e prapambetur”.

Vitin e shkuar, Koreja e Veriut ndërpreu të gjitha kanalet e komunikimit me Korenë e Jugut në shenjë proteste të asaj që e konsideronte si ‘dështimi i tyre për të ndaluar aktivistët që kalonin pankarta anti-qeveritare përtej kufirit’.

Disa ekspertë e kanë thënë dhe më herët se Koresë së Veriut mund t’i duhet t’i zgjasë dorën Shteteve të Bashkuara apo Koresë së Jugut nëse gjendja e tyre ekonomike vazhdon të përkeqësohet. Keq menaxhimi, dëmet nga përmbytjet dhe mbylljet e kufijve gjatë pandemisë e kanë thelluar krizën ekonomike në vend.

Dita e sotme shënon 68-vjetorin e armëpushimit që i dha fund Luftës së Koreve e cila zgjati tre vjet, ku si pasojë kombi ka mbetur sot e kësaj ditë i ndara me një prej kufijve më të armatosur në botë.

Rreth 28.500 trupa amerikane qëndrojnë të stacionuar në Korenë e Jugut për t’i bërë ballë ndonjë agresioni të mundshëm nga Koreja e Veriut.

LEXONI GJITHASHTU:

• Përplasja SHBA-Kore, vendi aziatik: Amerika, qëndrim armiqësor ndaj Penianit
• Koreja e Veriut bojkoton Lojërat Olimpike të Tokios
• Peniani paralajmëron SHBA pas stërvitjes ushtarake me Korenë e Jugut: Mos provokoni