Të rishikohen të gjitha kontratat koncesionare, thotë eksperti i ekonomisë

Eksperti i ekonomisë, Fatos Çoçoli komentoi në Euronews Albania, raportin e fundit të DASH për koncesionet dhe korrupsionin në sistemin e drejtësisë në Shqipëri.

Z. Çoçoli u shpreh se DASH u thotë qartë investuesve të huaj, kryesisht amerikanë që të mos u besojnë gjykatave shqiptare, pasi ende në to ekziston fenomeni i korrupsionit.

Eksperti i ekonomisë theksoi se në prokurimet publike nuk ka një konkurrencë të lirë.

Ai shtoi se duhet të rishikohen të gjitha kontratat koncesionare, kryesisht ato në të cilat kanë marrë pjesë në garë vetëm kompani shqiptare.

Sipas ekspertit kur në prokurime marrin pjesë vetëm kompani të huaja, është e vështirë që të përcaktohet kompania fituese.

Sa i përket Reformës në Drejtësi ai nënvizoi se procesi i Vettingut nuk ka ndërprerë fenomenin e korrupsionit në radhët e prokurorëve, gjyqtarëve apo avokatëve.

Ai shtoi se ka ende gjyqtarë dhe prokurorë që e dinë që do largohen për shkak të Vetingut dhe po abuzojnë akoma në shumë sepse koha në dispozicion të tyre është e kufizuar.

LEXONI GJITHASHTU:

• Raporti i DASH: Korrupsion në gjyqësor dhe prokurime, koncesionet problematike
• DASH kritikon Shqipërinë për mungesën e rezultateve në dënimin e trafikantëve