‘Të mos shpërfillen ngjarjet ekstreme të motit’, ekspertët britanikë apelojnë për masa

2020 ishte viti që e gjeti Mbretërinë e Bashkuar të izoluar për shkak të pandemisë dhe ishte një vit shumë i nxehtë.

Që nga viti 1884 kur nisën të regjistrohen të dhënat, 2020 është viti i tretë më i ngrohtë, i pesti më i lagësht dhe i teti me më shumë me diell. Zyra e meteorologjike britanike e cilëson një vit aq të thatë sa vështirësoi kushtet për fermerët.

“Po shohim një trend ku ka më shumë temperatura ekstreme dhe më shumë reshje ekstreme, presim që këto fenomene klimatike do të vazhdojnë. E nëse mendojmë globalisht kohët e fundit jemi përballur me një mot shumë, shumë të ashpër. 49.6 gradë Celsius temperaturë rekord në Kanada”, u shpreh Mike Kendon, shkencëtar në zyrën meteorologjike në Britani të Madhe.

Eksperti thotë se është e pamundur të injorohen ngjarjet ekstreme të motit në të gjithë botën. Duke parë drejt së ardhmes, Kendon thekson e të gjithë sektorët e Mbretërisë së Bashkuar do të preken nga ndryshimi i motit dhe duhet të merren masa paraprake.

Profesor Ed Hill, Drejtor i Qendrës Kombëtare të Oqeanografisë në Mbretërinë e Bashkuar thotë se niveli i detit vazhdon të rritet dhe që nga viti 1901 është rritur me 16 centimetra e gjysmë dhe ky trend vijon me ritme të shpejta.

Sipas tij, niveli i detit nuk do të jetë e mundur të vihet nën kontroll brenda një kohe të shkurtër.

Ngjarjet ekstreme të motit kanë vazhduar në vitin 2021 dhe Britania e Madhe ka regjistruar ekstremitetet në disa pjesë të vendit, duke thyer rekorde.

Përmbytjet e vazhdojnë të shkaktojnë probleme në infrastrukturë.

Eksperti thotë se ende nuk ka prova se çfarë i ka shkaktuar ato, por moti ekstrem po bëhet më i shpeshtë dhe duhen marrë masa për të përballur çdo lloj skenari në të ardhmen.

LEXONI GJITHASHTU:

• Huawei: Vendosja e rrjetit 5G në listën e zezë, çështje politike
• ‘Biden po gabon’, Rusia hedh poshtë akuzat se po ndërhyn në zgjedhjet amerikane
• Anglia heq karantinën e detyrueshme nga data 2 gusht