Liderja e opozitës bjelloruse merr mbështetjen e Shtëpisë së Bardhë

Liderja e opozitës bjelloruse, Svetlana Tinaovskaja deklaroi se takimi me presidentin e SHBA, Joe Biden në Shtëpinë e Bardhe ishte një frymëzim për popullin bjellorus dhe një mesazh për të gjithë se shteti më i fuqishëm në botë është me ne.

Në Shtëpinë e Bardhë u organizua këtë të enjte një takim mes drejtueses së opozitës së Bjellorusisë, Svetlana Tinaovskaja, dhe presidentit të Shteteve të Bashkuara të Amerikës, Joe Biden. Në këtë takim 15 minutësh është diskutuar gjendja e demokracisë dhe e të drejtave të njeriut në Bjellorusi. Drejtuesja e opozitës bjelloruse e quajti takimin të frytshëm, duke thënë se Shtetet e Bashkuara do të qëndrojnë përkrah popullit bjellorus tani dhe pas zgjedhjeve të reja parlamentare

“Ky është një mesazh për të gjithë, se shteti më i fuqishëm në botë është me ne. Unë fola për mbështetjen aktuale dhe mbështetjen në të ardhmen pas ndryshimeve në vendin tonë. Dhe sigurisht, ne folën edhe për pavarësinë e Bjellorusisë, atë pavarësi dhe sovranitet që është i padiskutueshëm dhe një vlerë e madhe për bjellorusët. Dhe kjo, në rast se cilido shtet mund ta keqpërdorë këtë dobësi të regjimit, SHBA do të jetë në krahun tonë në atë moment”, tha liderja e opozitës bjelloruse.

Në një postim në Twitter, Presidenti Biden u shpreh se Shtetet e Bashkuara qëndrojnë me popullin e Bjellorusisë në rrugën e tyre për demokraci dhe të drejtat universale të njeriut. Tikhanovskaya është një ish-mësuese, burri i së cilës u burgos nga regjimi i Lukashenkos. Ajo ka jetuar në mërgim në Lituani pasi kundërshtoi rezultatin e zgjedhjeve presidenciale të vitit 2020.

LEXONI GJITHASHTU:

• Burgoset rivali i Aleksander Lukashenkos në Bjellorusi
• BE sanksionon Bjellorusinë, 86 individë dhe entitete të afërta me Lukashenko në listën e zezë