Varka në formë violine në Venecia, homazh për viktimat nga COVID-19

A keni menduar ndonjëherë të udhëtoni mbi ujë sipër një instrumenti muzikor, e për më shumë të ndieni më pranë një trupin e violine?

Një mundësi e tillë ofrohet në Venecia, ku është ndërtuar një varkë në formën e një violine gjigande. Një mjet i ndërtuar si homazh për njerëzit që kanë humbur jetën për shkak të COVID-19. Varka në formë violine u testua përpara se të nisë zyrtarisht të shëtisë vizitorët e parë.

Varka e veçantë është 12 metra e gjatë, 4 metra e gjerë dhe është quajtur ndryshe “Violina e Noas”.

A do të kishte kuptim që të shijoje udhëtimin mbi një violine pa dëgjuar tingujt e saj?

Sigurisht që jo.

Në bordin e anijes virtuoze qëndron një violinçeliste nga Konservatori Benedetto Marcello, që interpreton vepra nga Antonio Vivaldi, artisti më i famshëm muzikor i qytetit.

‘Violina e Noes‘ u ndërtua nga artisti dhe gdhendësi i drurit Livio De Marchi gjatë pandemisë dhe simbolizon rilindjen e Venecias. De Marchi, i njohur edhe si ‘Marangozi i Venecias’, ka krijuar skulptura lundruese për dekada të tëra: krijimet e tij të tjera përfshijnë një makinë Volksëagen, një kapelë letre dhe një varkë gjigante në formën e një këpuce me takë të lartë.

Nga 18 shtatori ‘violina e Noes’ nis zyrtarisht lundrimin rreth qytetit të lagunës.

LEXONI GJITHASHTU:

• Përdorën certifikata të rreme COVID-19, policia italiane arreston disa persona, mes tyre të mitur
• Certifikata COVID e detyrueshme në Itali, gjoba deri në 1000 euro