Francezët në protestë, kundërshtojnë lejen shëndetësore për të hyrë në bare e restorante

Disa mijëra njerëz, familjarë, por edhe simpatizantë të së djathtës ekstreme, marshuan në qytete të ndryshme të Francës për të denoncuar lejen shëndetësore të COVID-19, e nevojshme për të hyrë në bare, restorante dhe stadiume.

Rreth 1.600 policë mbikëqyrën tre marshimet në Paris, një javë pasi leja shëndetësore hyri në fuqi.

Duke bërë thirrje për liri, protestuesit thanë se leja kufizon lirinë e tyre dhe është një mënyrë e fshehur për t’i bërë vaksinat të detyrueshme.

Leja shëndetësore tregon nëse njerëzit janë tërësisht të vaksinuar, kanë pasur një test negativ, ose provë se e kanë kaluar coronavirusin.

Manifestimet u mbajtën në një kohë kur Franca po përballet me një numër në rritje të infeksioneve të reja si pasojë e variantit Delta.

Në Montpellier, rreth 7.500 persona dolën në rrugë. Qyteti ndodhet në rajonin Herault, ku kuota e infeksionit është 600 për 100 mijë banorë.

Protesta u zhvilluan edhe në qytetet e ishullit kolonial francez Reunion, pavarësisht një bllokade të pjesshme, si pasojë e rritjes së infeksioneve.

LEXONI GJITHASHTU:

• Certifikata COVID të rreme po shiten në Snapchat në Francë
• Dëshmia shëndetësore e COVID-19 shtyn francezët të darkojnë në restorantet belge, përtej kufirit
• Pandemia në Shqipëri, si paraqiten të dhënat krahasuar me një vit më parë?