Autopiloti i Tesles ka nevojë për përmirësim, pranon Elon Musk

Miliarderi Elon Musk deklaroi të hënën se po punohet në sistemin auto-pilot të makinës së llojit Tesla.

Drejtori ekzekutiv i prodhuesit të makinave elektrike shkroi në faqen zyrtare në Twitter se versioni aktual i vetë-drejtimit të makinës Tesla nuk është në lartësinë e duhur por ekipi auto-pilot po punon për t’u përmirësuar sa më shumë të jetë e mundur.

FSD Beta 9.2 is actually not great imo, but Autopilot/AI team is rallying to improve as fast as possible.

We’re trying to have a single stack for both highway & city streets, but it requires massive NN retraining.

— Elon Musk (@elonmusk) August 23, 2021

Pas një sërë debatesh drejtimi i Teslës në gjendje auto-pilot është hetuar dhe nga Administrata Kombëtare e Sigurisë në Trafikun e Autostradave në SHBA (NHTSA).

NHTSA tha se kishte identifikuar 11 aksidente që nga viti 2018, në të cilat Tesla ishte në versionin auto-pilot dhe ka goditur automjete të cilat ishin duke bërë një manovër në rrugë dhe kishin paralajmëruar nëpërmjet sinjalistikës së posaçme, por makina elektrike siç duket nuk i kishte njohur paralajmërimet.

LEXONI GJITHASHTU: 

• Bitcoin rigjallërohet pasi Elon Musk konfirmon që Tesla mund ta pranojë sërish – me disa kushte
• Elon Musk dëshiron ta kthej Bitcoin-in në një monedhë të gjelbër. A do të mund t’i bindë përdoruesit e saj të devotshëm?
• Jeff Bezos padit NASA-n për tenderin e anijeve kozmike fituar nga kompania e Elon Musk