Bjellorusia do të marrë një sasi të madhe armësh nga Rusia, thotë Lukashenko

Presidenti bjellorus Aleksandër Lukashenko deklaroi të enjten se vendi do të marrë një ngarkesë të madhe armësh nga Rusia.

Bjellorusia do të blejë dhjetëra avionë luftarakë, helikopterë dhe sisteme raketash për mbrojtjen ajrore, njoftoi Lukashenko.

Lajmi vjen ndërsa Rusia dhe Bjellorusia përgatiten të zhvillojnë stërvitje të përbashkëta lufte që përfshijnë rreth 200 mijë trupa ushtarake.

Udhëheqësi autoritar ka qenë një aleat i fortë i Moskës dhe ka kërkuar mbështetje nga Rusia pas rizgjedhjes së tij të diskutueshme në vitin 2020.

Lukashenko pretendoi një mandat të gjashtë në detyrë pas votimit i cili shkaktoi protesta dhe pretendime për një votim të manipuluar nga opozita bjelloruse dhe vendet perëndimore.

Rusia ka mbështetur me vendosmëri presidentin e Bjellorusisë, pasi qeveria e tij u përball me një sërë sanksionesh nga Shtetet e Bashkuara dhe Bashkimi Europian, pas goditjes së protestuesve.

LEXONI GJITHASHTU: 

• Burgoset rivali i Aleksander Lukashenkos në Bjellorusi
• Lituania vendos të ndërtojë mur në kufi më Bjellorusinë
• Polonia gati të ndërtojë një gardh në kufi me Bjellorusinë për të ndaluar refugjatët