KiE i bën thirrje Greqisë të ndryshojë projektligjin për dëbimin e emigrantëve

Autoritetet greke duhet të ndryshojnë një projektligj që do të gjobiste OJQ-të për kryerjen e shpëtimit të emigrantëve në det, tha të premten Këshilli i Evropës (CoE).

Dunja Mijatovic, Komisionere për të Drejtat e Njeriut tha në një deklaratë se projektligji që po diskutohet aktualisht nga parlamentarët grekë “do të pengonte punën shpëtuese të kryer në det nga OJQ-të dhe kapacitetet e tyre monitoruese të të drejtave të njeriut në Egje”.

CoE është një organizatë e themeluar pas Luftës së Dytë Botërore e ngarkuar me mbrojtjen e të drejtave të njeriut, demokracisë dhe sundimit të ligjit në kontinentin e vjetër. Ajo përfshin 47 shtete anëtare.

Qeveria e qendrës së djathtë të Greqisë ka forcuar kontrollet kufitare që kur mori detyrën dy vjet më parë dhe ka premtuar kufizime shtesë në përgjigje të krizës së vazhdueshme në Afganistan.

Sipas një dispozite të përfshirë në “Projektligjin e Deportimeve dhe Kthimit” që po diskutohet aktualisht në parlament, anëtarët e bamirësisë të përfshirë në operacionet e shpëtimit të kryera pa lejen e rojeve bregdetare, mund të burgosen deri në një vit dhe të gjobiten me 1.000 euro. Ndërsa OJQ-të që përballen me gjoba shtesë.

LEXONI GJITHASHTU:

• Stafi mjekësor i pavaksinuar pezullohet nga detyra në Greqi
• Mjekët në Britaninë e Madhe nuk rekomandojnë vaksinimin e fëmijëve të moshës 12-15 vjeç
• Si u bë Spanja një nga kampionët e vaksinimit në Evropë