Afrika e Jugut miraton vaksinimin e fëmijëve mbi 12 vjeç me Pfizer

Rregullatori shëndetësor i Afrikës së Jugut ka miratuar vaksinën Pfizer për të injektuar fëmijët e moshës 12 vjeç e lart, duke i hapur rrugën qeverisë për të ofruar vaksinime për adoleshentët.

Autoriteti i Produkteve Shëndetësore të Afrikës së Jugut (SAPHRA) tha se vendimi erdhi pas një rishikimi të informacionit të përditësuar të sigurisë dhe efikasitetit të paraqitur në mars të këtij viti.

Pas një fillimi të trazuar, fushata e vaksinimit në Afrikën e Jugut është rritur muajt e fundit.

Sidoqoftë, siguruesit shëndetësorë thonë se hezitimi ndaj vaksinave është tani çështja kryesore që ndikon në ritmin e fushatës dhe qeveria ka filluar përpjekjet për të bindur njerëzit që të marrin injektimin.

Afrika e Jugut ka një popullsi të madhe rinore, me rreth 28% nën moshën 15 vjeç.

Pfizer, injektimi i së cilit tashmë po administrohet tek adoleshentët, po planifikon teste edhe për fëmijët më të vegjël.

LEXONI GJITHASHTU:

• Spitalet në Japoni drejt kolapsit nga fluksi i pacientëve me COVID-19
• Francë, ish-ministrja e Shëndetësisë paditet për menaxhimin e COVID-19
• Danimarka ndër shtetet e para të BE që heq të gjitha kufizimet e COVID-19