Agjencitë turistike në protestë, i kërkojnë qeverisë ndihmë ekonomike dhe rihapje të kufijve

Dhjetëra punonjës dhe sipërmarrës të agjencive turistike protestuan mesditën e së enjtes përpara Ministrisë së Mjedisit dhe Turizmit duke kërkuar mbështetje, lehtësime fiskale dhe hapje të kufijve.

Sipërmarrjet dhe punonjësit e turizmit kërkuan ndihmë financiare për një periudhë nga 6 muaj deri në 1 vit, lejimin e hyrjeve të udhëtarëve, heqjen e taksave lokale, subvencionim të siguracioneve dhe miratim të kuponëve të shërbimit.

Me pankarta nëpër duar dhe të vendosur në distancë fizike nga njëri-tjetri, protestuesit i kërkuan qeverisë “të shpëtojë turizmin në Shqipëri”.

Prej 10 marsit, kur u vendosën masat kufizuese për shkak të pandemisë së COVID-19, sektori i turizmit është bllokuar totalisht. Agjencitë turistike mendohet të jenë sipërmarrjet më të prekura, pasi përveç ndalimit të lëvizjeve, shumica e rezervimeve të kryera më parë u anuluan duke krijuar jo pak probleme financiare.

Sipërmarrësit dhe punonjësit e agjencive ankohen se qeveria nuk ka parashikaur asgjë për t’i ndihmuar, veç përfshirjes në paketën e ndihmës ekonomike për papunësinë.

Lexoni gjithashtu:

Sezoni turistik zgjatet deri më 15 nëntor, hapen aplikimet për plazhet

Hapet sezoni turistik; plazhet me hotele bosh, rezervimet janë anuluar për shkak të pandemisë

Arben Malaj: Qeveria të mbështesë turizmin, Gjermania na ka lënë jashtë listës së vendeve të vizitueshme

Rezarta Delisula: “Destinacion” do të ofrojë këshilla, duke nisur nga turizmi familjar