Aktivisti tregon arsyen pse shqiptarët mbetën pa përfaqësim në Serbi

“Shqiptarët në Serbi mbetën për herë të parë pa përfaqësues, pasi partitë shqiptare ishin të ndara dhe nuk formuan një koalicion”.

Kështu u shpreh për “Euronews Albania”, Muharrem Saliu, drejtues i Forumit Shqiptar për Zhvillimin Ekonomik në Serbi.

“Shqiptarët për herë të parë mbetën pa përfaqësues në parlamentin e Serbisë. Në zgjedhjet e fundit, Partia për Veprim Demokratik  dhe Partia Demokratikë kishin një koalicion në zgjedhjet parlamentare. Janë të njëjtat parti që dolën të ndarë në zgjedhjet lokale. Kjo tregon që ka munguar një koordinim i brendshëm”, tha Saliu.

Sipas tij, pasivizimi i adresave po përdoret për të justifikuar humbjen.

“Pasivizimin po e përdorin si justifikim pasi nuk i kanë bindur qytetarët për të votuar. Ato dolën të përçarë dhe nuk gjetën gjuhën e përbashkët. Pasivizimi adresave ka ndodhur vazhdimisht, jo vetëm tani. Mendoj se është vonë për të justifikuar humbjet përmes pasivizimit, sepse pasivizimi është heshtur për 5 vite derisa është realizuar dhe më pas është relativizuar nga përfaqësuesit politikë”, deklaroi Saliu.

LEXONI GJITHASHTU:

• Pretendonin 3 mandate, shqiptarët e Preshevës mund të mbesin pa përfaqësim
• Vuçiç fiton zgjedhjet në Serbi
• Pritet të sigurojë një mandat tjetër, Vuçiç: Besoj në fitore bindëse